Пресвятая Богородице, спаси нас!
С праздником, отцы, братья и сестры!
https://tainadiveevo.ru/vdt-ikona-umilenie.htmlПразднование иконе Божией Матери «Умиление» 9/22 декабря – основание преподобным Серафимом Саровским Девической Мельничной общины. ( В день Зачатия праведною Анною Пресвятой Богородицы.)
=======
Тропарь Божией Матери пред иконой Ея, именуемой Умиление
глас 4
К Богородице со умилением припадем,/ вси, грехми обремененнии,/ чудотворную Ея икону Умиления облобызающе/ и вопиюще со слезами:/ Владычице, приими моление недостойных раб Твоих/ и подаждь нам, просящим,/ велию Твою милость.
Кондак Божией Матери пред иконой Ея, именуемой Умиление
глас 3
Юже подражая неплодную смоковницу,/ аз, окаянный, умиления плода отнюд не приношу и посечения страшуся,/ но, взирая к чудотворней иконе Твоей Умиления, Владычице,/ стеню от сердца и вопию:/ умилися, Благосердая,/ и мне, окамененному сердцем,/ благоволи подати душевное и сердечное умиление.
Молитва Божией Матери пред иконой Ее Умиление
О Пресвятая Госпоже Владычице, Богородице Дево! Приими недостойныя молитвы наша, сохрани нас от наветов злых человек и от напрасныя смерти, подаждь нам прежде конца покаяние, на моления наша умилосердися и радость в печали место даруй. И избави нас, о Госпоже Владычице Богородице, от всякий беды, напасти, скорби, болезни и всякаго зла, и сподоби нас, грешных рабов Твоих, одесную стати во втором пришествии Сына Твоего, Христа Бога нашего, и наследники нас быти сподоби Царствия Небеснаго и жизни вечныя со всеми святыми в безконечныя веки. Аминь.
