Поздравления с праздниками

р.Б. Наталья
Форумчанин
Сообщения: 37
Благовестие: Нет информации
Откуда: Челябинская область, Миасс

Re: Поздравления с праздниками

Сообщение р.Б. Наталья » 17 июл 2018, 20:05

С Днем Памяти Святой Царской семьи!
Святые Царственные Мученики, Болите Бога о нас!
Аватара пользователя
мн.гр.Алексей
Форумчанин
Сообщения: 825
Имя: Алексей
Благовестие: Читал сайт Tainadiveevo.ru - Принимаю полностью
Откуда: Из Черниговщины

Re: Поздравления с праздниками

Сообщение мн.гр.Алексей » 17 июл 2018, 21:18

Изображение
АКАФИСТ
святым царственным мучеником
Царю Николаю, Царице Александре, Царевичу Алексию и Царевнам Ольге, Татиане, Марии и Анастасии

ихже память месяца иулиа в 4-й день
Составися сей акафист в земли Болгарстей, в прославление святых царственных страстотерпец российских, с любовию многою к многострадальному православному русскому народу, в лето от Воплощения Бога Слова 1999-ое, во славу Пресвятыя Троицы: Отца, и Сына, и Святаго Духа.
_____________________________________________________________
Кондак 1. Глас 8.


Державнейшии заступницы яже на земли Церкве Христовы, яко избавльшеся от злых предстательством вашим, похвальная восписуем вам. Вы же, яко имущии неусыпное о любящих вас попечение, и за всех православных милосердое заступление, от всяких нас бед свободите, да всепраздненственне зовем вам: Радуйтеся, многострадальнии мученицы царственнии, державнии рода христианскаго покровителие.

Икос 1.


Ангели предстатели земли русстей, и всей Церкви Христове абие по смерти явистеся, рода Романова страстотерпцы чудодетельнии: скончавшу бо ся земных страданий тяжкому времени, изгнания и уничижений горькое в радость вечную вам претворися: о, несказанныя славы вашея на небесех! Обаче не оставите нас, отцев законопреступных строптивых чад, но умилосердите Бога о поющих вам пение сицевое:
Радуйтеся, порфироноснии страдальцы.
Радуйтеся, царей благоверных удобрение.
Радуйтеся, Царя Небеснаго вернии раби.
Радуйтеся, о верних рабех Царю Царей молящиися.
Радуйтеся, на небеси царствующии вечно.
Радуйтеся, на земли чтущих вас пред престолом страшнаго Царя поминающии.
Радуйтеся, багряное грехов кровьми убелившии.
Радуйтеся, смирением и уничижением Царство вечное купившии.
Радуйтеся, славою несказанною сияющии.
Радуйтеся, Ангелы досточестно ублажаемии.
Радуйтеся, светлостию немерцаемою просвещаемии.
Радуйтеся, красотою божественною наслаждающиися.
Радуйтеся, многострадальнии мученицы царственнии, державнии рода христианскаго покровителие.

Кондак 2.


Видя Царь самодержавный шатания языков и тщетныя людей Своих умышления, возскорбе зело печалию Своею. Обаче уведев, яко прииде Ему час преити к Небесному Царю царей, до конца возлюби чада Своя, распинающыя Его, и моляшеся о прощении им вся, зовый Богу: Аллилуиа.

Икос 2.


Разумев Царствия Твоего земнаго скончание, не погубил еси упование Твое на Бога, О! многоскорбнейший Царю Николае, даже до конца веруя в любовь простых людей к Тебе. Ныне же мы, таковаго благочестивейшаго Государя, всем православным христианом в мiре покровителя и Отца милостивейшаго лишившеся, уразумехом кольми Бога нашего преогорчихом. О! прегрешения нашего бездны! Но не отрини нас, со слезами покаяния восписующих Ти сия:
Радуйся, державнейший Православныя Церкве на земли покровителю.
Радуйся, предъизящнейший Царю, всем по глаголу Христову служивый.
Радуйся, боготайный на земли Царя царей образе.
Радуйся, кротости и правды рачителю.
Радуйся, благочестивых российских царей украшение.
Радуйся, радуйся, благоверия прекрепкий блюстителю.
Радуйся, христолюбиваго воинства Твоего вселюбимый воеводо.
Радуйся, и последнейших людей Царствия Твоего милосердый печальниче.
Радуйся, милостивейший сирых и вдов защитителю.
Радуйся, матерей и детей всещедрый покровителю.
Радуйся, милостыни и помощи независтный подателю.
Радуйся, многих церквей и обителей святых строителю..
Радуйся, Царю наш сладчайший Николае, великий страстотерпче!

Кондак 3.


Сила искушений и скорбей не возможе ослабити любве Твоея к Богу и народу русскому, о, великоименитая Царице Александро! Паче бо изволила еси страдати с людьми Божиими, нежели обрести на земли чуждей временный покой: верою же не прияла еси избавление руками иноплеменник, да лучшее улучиши воскресение, поющи Богу: Аллилуиа.

Икос 3.


Любве Христовы образ предлагаеши нам, о, Царице Александро многострадальная! Дивно Твое Бога истиннаго возлюбление, дивно Промыслу Божию послушание, дивно терпение тихое и кроткое страдальчество! Темже процвела еси яко белоснежный крин, в муках сладчайшее свое благовоние испустивый, и в скорбех изряднейшее доброты своея благозрачие показавый: о, богомудрия души Твоея! О, целомудрия красоты и нравов благородствия! Приими и от нас, недостойных хваление сицевое:
Радуйся, новая Девворо, матернее заступление о роде христианстем имущая.
Радуйся, новая Руф, яко людие русстии — людие Твои, и Бог православных — Бог Твой.
Радуйся, новая Иудиф, прибегающих к покрову молитв Твоих защищающая.
Радуйся, новая Есфирь, исполнение Церкве ходатайствы Твоими от пагубы сохраняющая.
Радуйся, добродетельми прекрасными сияющая.
Радуйся, яко светлый облак нас от бед покрывающая.
Радуйся, Царице наша, и по смерти нас не оставляющая.
Радуйся, мати наша, паче прежде о чадех Твоих пекущаяся.
Радуйся, лозо, сладкий плод нам возрастившая.
Радуйся, пять мучеников царственных нам в заступление родившая.
Радуйся, Софие новая, смертию от возлюбленных Супруга и чад Твоих неразлученная.
Радуйся, Александре древней крепкомудренно уподобившаяся.
Радуйся, Александро многострадальная, честнейшая Царице земли русския!

Кондак 4.


Бурею страданий и скорбей не подвижеся сердце Твое, кротчайший Царевичу Алексие: от матерних бо пелен страданию обрученный, даже до последняго дне земнаго жития Твоего ярем Христов всеблагодушно носил еси, безропотно Промыслу Божию повинуяся, и всех нас, волнами страданий обуреваемых, во уповании и смирении Богу пети научая: Аллилуиа!

Икос 4.


Слухи мятежными и страшных мук приближением не возмутися тихое Твое на Бога упование, Отроче царственный, ибо сладчайшаго Спаса Иисуса любы сердце Твое озаряше: свеща горящая житие Твое на земли бысть, юже и лютейшая страдания угасити не возмогоша: сего ради добродетелей Твоих озареньми освещаемся и пети Тебе подвизаемся благоговением сицевая:
Радуйся, прекрасная любве Христовы свеще.
Радуйся, непорочныя девства доброты хранение.
Радуйся, за враги кротко молитися нас научаяй.
Радуйся, христианских добродетелей сияние нам излучаяй.
Радуйся, от пелен болезни плоти безропотно терпевый.
Радуйся, тем болезни нашя и недуги исцеляти благодать приемый.
Радуйся, целомудренною чистотою издетска просиявый.
Радуйся, и нас от скверны мiра сего сохраняяй.
Радуйся, милосердия Божия нам испрошаяй.
Радуйся, святыню девства любити научаяй.
Радуйся, Исааком древле прообразованному Христу сообразне.
Радуйся, Царевичу Угличьскому Димитрию смертию подобне.
Радуйся, многострадальне Царевичу Алексие, отроком покровителю и страждущым утешителю!

Кондак 5.


Богожренныя агницы дщери царевы явишася, от безбожных гонителей Церкве Христовы жертву благовонну Цареви царей принесшеся, и светильники своя елеем девства, милосердия, кротости и боголюбия до конца светящыяся соблюдше, свету невечернему Солнцу Христу во веки радуются и поют Ему песнь богокрасную: Аллилуиа!

Икос 5.


Видящи, о, святая Царевно Ольго, страдания родителей царственных Твоих и разорение зрящи любимаго Отечествия Твоего, не восхотела еси посягнути за князя иноплеменна, нетерпящи разлучения от возлюбленнаго дому Твоего, паче же хотящи сораспятися Христу, яко невеста непорочная Небеснаго Жениха. О, любве непреложныя сердца Твоего! Темже и нас не разлучайся предстательствующи присно о поющих Ти сице:
Радуйся, голубице, белостию девства блистающая.
Радуйся, Царевно, багряницею кровей красующаяся.
Радуйся, свеще благонравия богатносветлая.
Радуйся, невесто Христа светлопозлащенная.
Радуйся, равноапостольныя Ольги целомудрию поревновавшая.
Радуйся, богославных княгинь рода христианскаго благочестию подражавшая.
Радуйся, святым царицам христианским равноревностне пожившая.
Радуйся, кротостию и чистотою Богоматере другиня бывшая.
Радуйся, в ризу страданий за Христа позлащенную одеянная.
Радуйся, к Богу и Царице Небесней колесницею мучительныя смерти приведенная.
Радуйся, скорое Твое нам заступление в бедах подавающая.
Радуйся, за страждущее Отечество наше в молитвах с Богородицею неусыпающая.
Радуйся, всехвальная мученице Царевно Ольго, агнице Христова многострадальная!

Кондак 6.


Проповедницы преизряднии любве Христовы, о, девицы царственнии, явистеся, долготерпением и прекрепким вашым в скорбех упованием на Бога: сего ради величаем добродетели и исправления, имиже яко сребро седмерицею очищенно блистаетеся, и покланяющеся вам, радостно поем Богу: Аллилуиа!

Икос 6.


Возсияла еси в земли российстей яко пресветлая звезда, о, доброхвальная Татиано! Милосердым бо и смиренным Твоим служением больным, плененным, страждущым и в язвах лютых умирающым Христу Богу угодила еси: о, сострадания Твоего! Темже даруй и нам недостойным добродетели сими обогатитися, да поем Тебе таковая:
Радуйся, страждущым светлая радосте.
Радуйся, больным безсребренная целительнице.
Радуйся, плачущым тихое прибежище.
Радуйся, умирающым милосердия Божия ходатаице.
Радуйся, белостию добрых дел блистающая.
Радуйся, кротостию добрых нравов сияющая.
Радуйся, красотою девства Ангелы веселящая.
Радуйся, чистотою сердца Бога зрящая.
Радуйся, досадительства неверных людей долготерпевшая.
Радуйся, смертию за Христа добродетелей богатство запечатлевшая.
Радуйся, скоротлимаго рубища земнаго жития совлекшая.
Радуйся, в златопорфирныя ризы небеснаго жития облекшаяся.
Радуйся, доброхвальная мученице Царевно Татиано, тихое пристанище скорбящым!

Кондак 7.


Хотении божественными просвещаемы, вся скорби и лишения смиренно претерпели есте, девомученицы царственнии, юную плоть духу порабощающе, желания вся земная любовию ко Христу умерщвляюще, Егоже ныне невестолепно песнословите: Аллилуиа!

Икос 7.


Новыя жизни чающе, лучши нынешныя прелестныя, боголюбезнии царевны Марие и Анастасие, во изгнании и уничижении утесняеми, яко сребро искушено седмерицею озарястеся Духа утешеньми, и всею душею к Богу устремлястеся, молитвами многими, благоговейным в храмах Царю Небесному предстоянием и недвижным на Спасителя Христа упованием. Обновите убо и сердца поющих вам песнь похвальную сице:
Радуйтеся, диадимою безсмертия от Царя славы венчаннии.
Радуйтеся, красотою несказанною от Христа на небесех почтеннии.
Радуйтеся, чистотою девства Духу Божественному уневестившиися.
Радуйтеся, добротою душевною в Царствии Христове сияющии.
Радуйтеся, царственною лепотою вашею Церковь Христову украшающии.
Радуйтеся, голубицы белыя, в олтари Господни на крилу мук возлетевшии.
Радуйтеся, незлобием детским лукавствие темных умов посрамившии.
Радуйтеся, терпением крепким сети невидимых враг разтерзавшии.
Радуйтеся, смирением желчь супостатов ваших в сладость духовную преложившии.
Радуйтеся, простотою оцет злобы нектар жизни вечныя соделавшии.
Радуйтеся, крестом уничижений Царство славы приобретшии.
Радуйтеся, смертию мучительною жизнь прерадостную снискавшии.
Радуйтеся, царевни многострадальнии Марие и Анастасие, чистии невесты Христовы!

См.окончание
Аватара пользователя
мн.гр.Алексей
Форумчанин
Сообщения: 825
Имя: Алексей
Благовестие: Читал сайт Tainadiveevo.ru - Принимаю полностью
Откуда: Из Черниговщины

Re: Поздравления с праздниками

Сообщение мн.гр.Алексей » 17 июл 2018, 21:18

Окончание
Кондак 8.


Странни во Отечестве вашем, еже на земли, изгнаны правды ради, слугами сатанины ненавидимы, во узилищи томимы, оскорбляеми и онеправдованы зрим вас, о, краснодушнии мученицы царственнии! Но аще и слезами чистыми о людех прельщенных плакасте, и о погибели страны российския горьце сетовасте, обаче веровасте до конца, яко приидет светоносный день, воньже вся отечествия православных единеми усты и единем сердцем воспоют о вас песнь Богу: Аллилуиа!

Икос 8.


Вся вселенная да ликовствует в нарочитый день праздника вашего, о, краснолепнейший личе царственных страстотерпец! Вся земля да приклонит колена пред несказанном величии страдания вашего, вси храмы православнии да возвышают сладкогласными трезвоны седмосветлое просияние славы вашея, вси вернии да поют вам во умилении хваления таковая:
Радуйтеся, земли русския всевожделеннии предстателие.
Радуйтеся, всем православным всещедрии заступницы.
Радуйтеся, святыя Церкве нашея всесветлая радосте.
Радуйтеся, всех любящих вас всечуднии покровителие.
Радуйтеся, всем уничиженным утешение.
Радуйтеся, всем озлобленным пристанище.
Радуйтеся, всем смятенным умирение.
Радуйтеся, всем колеблемым утверждение.
Радуйтеся, всем смиренным радование.
Радуйтеся, всем боголюбным празднование.
Радуйтеся, всем кротким озарение.
Радуйтеся, всем любобезмолвным умиление.
Радуйтеся, многострадальнии мученицы царственнии, державнии рода христианскаго покровителие!

Кондак 9.


Вся страдания ваша недостойны к славе, явленней в вас на небесех: за оставление — богоприятие, за поругания — прославление, за желчь и оцет — сладость вечную, за крест — венец, за муки — рай, от Бога праведне прияли есте, о превозлюбленнии! Мы же, тепле на заступление ваше надеющеся в веце сем и по смерти нашея, немолчно поем о вас Богу: Аллилуиа!

Икос 9.


Ветии суемудреннии николиже уразумеют величие славы и светлость праздника вашего! Царя бо православнаго своего отвергшеся, и суету мiра сего возлюбльше, иссохнут яко ветви безплодныя, лишены крепостнаго заступления вашего: мы же паче возлюбим вас и к вашему многомощному ходатайству прибегающе, возхвалим вы сице:
Радуйтеся, агнцы ради Агнца Христа убиеннии.
Радуйтеся, ангели, крилома молений чтущыя вас осеняющии.
Радуйтеся, незлобия и всепрощения образ нам явившии.
Радуйтеся, любве к Богу, Отечествию и дому своему всем правило бывшии.
Радуйтеся, глумления народа вашего с кротостию претерпевшии.
Радуйтеся, смирением углие злобы враг ваших угасившии.
Радуйтеся, непамятозлобия вашего ради Христу всыновившиися.
Радуйтеся, за враги молившеся, невидимаго супостата посрамившии.
Радуйтеся, добротворцев удобрение.
Радуйтеся, милосердия светлая зерцала.
Радуйтеся, благочестивых царей и цариц красование.
Радуйтеся, многострадальнаго рода нашего упование.
Радуйтеся, многострадальнии мученицы царственнии, державнии рода христианскаго покровителие!

Кондак 10.


Спастися всем к вам прибегающым Творца и Зиждителя и Бога нашего умоляйте, яко не в силе Господь, но в правде: вы бо есте сокровище наше истинное, со всеми святыми Церкве нашея, вы есте радост наша и утешение, и немолчное Троице Святей пение о вас возсылаем, зовуще: Аллилуиа!

Икос 10.


Стена нерушимая и оплот Церкве истинныя бысть иногда самодержавнейший Царь православный: но отъяся от среды держай и беззаконие покры удел Пречистыя Богоматере, и пролияся кровь яко вода по всей стране российстей: но избави ны, Господи, и очисти грехи нашя, молитв ради всех страстотерпец новых, наипаче же Царственных мученик дома Романова, слышащих благоуветливо от нас пения сия:
Радуйтеся, купнодушнии страдальцы, вседомовне душы вашя за Христа положшии.
Радуйтеся, светильницы всесветлии земли российския.
Радуйтеся, правдою божественною сияющии.
Радуйтеся, добродетельми изрядными блистающии.
Радуйтеся, Православия благоревностнии на земли хранителие.
Радуйтеся, Церкве Христовы державнии покровителие.
Радуйтеся, благолепие дому Божия возлюбившии.
Радуйтеся, тем в место селения славы Божия водворившиися.
Радуйтеся, образ истинный супружества христианскаго явившии.
Радуйтеся, любовию божественною в конец солнцезрачно озарившиися.
Радуйтеся, на подвиг страданий небоязненно шествовавшии.
Радуйтеся, в мире душевнем даже до убиения вашего Господа терпевшии.
Радуйтеся, многострадальнии мученицы царственнии, державнии рода христианскаго покровителие!

Кондак 11.


Пения благодарственная Богу во вся дни заточения вашего приносили есте от сердец кротких и смиренных: Ты же, Царице богохвальная Александро, непрестанное о научении детей своих Закону Божию попечение имела еси, и паче инех Бога за вся благодарила еси, верующи, яко по нощи мятежней паки возсияет солнце правды и озарится земля светом истины: мы же, вере вашей дивящеся, в покаянии зовем Богу: Аллилуиа!

Икос 11.


Звезд светлейшии и солнца яснейшии светила земли российстей явистеся, и всех православных возлюбленнейший Царь и Царица, дражайшии по Бозе и Богородице заступницы, вседомовне просиявшии и седморичным светолитием сердца веселящии поющих вам радощами таковая:
Радуйтеся, рая прекраснаго жителие светозарнии.
Радуйтеся, Небеснаго Царствия украшения царственнии.
Радуйтеся, земнаго Отечествия вашего сокровище дражайшее.
Радуйтеся, во мраце влающымся нам озарение светлейшее.
Радуйтеся, сердец наших утешение теплое.
Радуйтеся, умов наших просвещение ясное.
Радуйтеся, душ наших умирение пресладкое.
Радуйтеся, и телес наших покровение многонадеждное.
Радуйся, Царю Николае, и по смерти отеческое о нас имеяй попечение.
Радуйся, Царице Александро, матернее за дети нашя с Богородицею являющая заступление.
Радуйся, Царевичу Алексие, от болезни и пагубы младенцы и отроки соблюдаяй.
Радуйтеся, царевни Ольго, Татиано, Марие и Анастасие, от душетленных зол юныя сохраняющии.
Радуйтеся, многострадальнии мученицы царственнии, державнии рода христианскаго покровителие!

Кондак 12.


Благодать чудодейственную от Бога приемше, даже прежде прославления вашего на земли многая верным чудеса явисте, верою и любовию к вам прибегающым. Сего ради тщанием усердным к вам припадаем, и иконе вашей, яко самым вам сущым любовию кланяемся, чающе заступления вашего и в сем, и в будущем веце, ибо что вожделеннейше нам, паче еже вкупе с Царем благочестивейшем и Царицею вселюбимою Небесному пети Царю во вся веки благодарно: Аллилуиа!

Икос 12.


Поюще многая чудеса и заступления вашя, не вемы како возможем по достоянию изрещи вся нам дарованная вашим предстательством, о, богославнии и царственнии нам заступницы! Обаче приимите и от нас приносимыя вам венцы хвалений сия:
Радуйтеся, сущым в бедах скорыи избавителие.
Радуйтеся, сущым в скорбех радости подателие.
Радуйтеся, страждущым православным странам заступницы.
Радуйтеся, гонимых Христа ради известнии хранителие.
Радуйтеся, к вам прибегающым покрове, ширший облака.
Радуйтеся, любовию чтущих вас многосветлое веселие.
Радуйтеся, земли русския сокровище неотъятное.
Радуйтеся, Церкве Православныя красото священнолепная.
Радуйтеся, небосветлии звезды, светом заступлений нас облиставающии.
Радуйтеся, неботочнии реки, водою благодати нас напояющии.
Радуйтеся, нелюбовных нас любви научающии.
Радуйтеся, малодушных нас упованием на Бога обогащающии.
Радуйтеся, иссохшая сердца наша умилением умащающии.
Радуйтеся, омраченныя очи душевныя верою просвещающии.
Радуйтеся, многострадальнии мученицы царственнии, державнии рода христианскаго покровителие!

Кондак 13.


О, всеизряднии мученицы царственнии, радосте, упование и славо наша! Приимите малое хваление сие, всем сердцем от нас недостойных вам приносимое, и испросите всем верою и любовию вас чтущым милости и покровения от всех бед и зол, избавления от глада, потопа, труса, меча, междоусобныя брани и напрасныя смерти, и будущих мук избавитися нам Господа умолите, да во вся веки с вами поем Творцу и Богу нашему: Аллилуиа, аллилуиа, аллилуиа!

Кондак сей глаголем 3-жды, и паки Икос 1. И поем Кондак 1: Державнейшии заступницы.

Молитва:


О, Богославнии великомученицы царственнии, державнейшии заступницы Православныя Церкве: се ныне Церковь Христова прославляет подвиг страстоношения вашего, се ныне духовным светолитием вселенная просвещается свыше, и небо веселие в сердца любящих вас таинственно кропит: обаче аще и светлым облаком ходатайства вашего осеняема, земля наша беззаконьми содрогается и лютым растлением трепещет. Сего ради к вашему заступлению со слезами покаяния прибегаем, исповедующе, яко вельми согрешихом и Бога преблагаго преогорчихом грехи многими, отступихом от Небеснаго Царя, множицею щедрившаго народ наш, возвышавшаго рог благоверных князей и благочестивых царей наших, избавлявшаго нас от толиких бед и упования нашего николиже посрамлявшаго. Обаче и к Тебе подобает нам припасти, о, сладчайший и многострадальнейший Царю русский Николае! Се бо зриши плач и стенание наше: умоли Бога да простит неверность нашу закону Его, и приимет люди согрешившыя во объятия Своя. Ты бо еси отец и утешитель нам и по смерти, слава наша, и крепость, и надежда! Припадаем и Тебе, Царице и мати страждущым всем, великоименитая Александро: простри Твои руце к Богоматери, единей Радости скорбящих, и с Нею моли Царя царей о помиловании нашем. О, Царевичу Алексие! Кротчайший агнче царственный! Не смеем воззрети на лик Твой блудныма очима нашима, токмо простираем мысленне руце к Тебе, просяще небеснаго твоего заступления: сохрани всех нас от страшныя пагубы, мiр сей объявшыя, остеняя прибегающих к Тебе от навет сопротивныя злобы и козней видимых и невидимых врагов наших. О, треблаженнии девомученицы рода царскаго! Озареньми небесными просветите сердца наша, да не ослепит нас век сей прелестный к погибели вечней. О, преславнии страстотерпцы царственнии! Даруйте всем любовию теплою к вам прибегающии смирение, целомудрие и любовь к Богу и человеком, обогащайте нас терпением и на Бога упованием крепким в скорбех и бедах; в страданиих же умащайте сердца наша кроткою надеждею и тишиною вашего покровения, яко да ничтоже нас устрашит, ниже смутит, но да поведуем и чадам нашым славу вашу, юже от Бога достойно восприяли есте. Испросите нам у Бога дух покаяния и сокрушения о гресех наших, просветите ослепшыя сродники наша, от Веры праотеческия отступившыя, соблюдите нас и чада наша от суеты и злых обычаев мiра сего, от растлителей душ и телес, от заблуждений и ересей, от болезней и нечаянныя смерти. Предстаните нам, недостойным, в час кончины нашея, и избавите нас от лютых приражений темных демонов, и приведите к Страшному Судию в светлей одежде добре покаявшихся грешников, в надежде о помиловании и вечном спасении, яко да ничтоже разлучит ны от Христа Бога и от вас во веки веков. Аминь!
Изображение
Лена
Форумчанин
Сообщения: 552
Имя: Елена
Благовестие: Читал сайт Tainadiveevo.ru - Принимаю полностью
Откуда: Орловская область

Re: Поздравления с праздниками

Сообщение Лена » 17 июл 2018, 21:38

Спаси Христос!
НатальяН
Форумчанин
Сообщения: 66
Имя: Наталья
Благовестие: Читал сайт Tainadiveevo.ru - Принимаю полностью

Re: Поздравления с праздниками

Сообщение НатальяН » 18 июл 2018, 05:32

Со святыми памятными датами!
Святые Царственные мученицы, св.прмцц.вел.кн.Елизавета и ин.Варвара,
прп.отче Сергие Радонежский, молите Бога о нас!
Любовь
Форумчанин
Сообщения: 178
Имя: Любовь
Благовестие: Читал сайт Tainadiveevo.ru - Принимаю полностью

Re: Поздравления с праздниками

Сообщение Любовь » 18 июл 2018, 10:40

Св.прмцц.вел.кн.Елизавета и ин.Варвара, прп.отче Сергие, молите Бога о нас!

В 2004 году к нам привозили мощи кн.Елизаветы и от них чувствовалось медово-жасминное благоухание. И запах меда чувствовался и запах жасмина, не смешиваясь. Удивительно! А при Крестном ходе вокруг храма солнце играло зеленым светом - веером разливался зеленый свет по кругу, затем желтый, потом снова зеленый...и так в течении всего Кресного хода. Я спросила рядом идущих женщин: "Вы смотрели на солнце?" Они ответили: "Да. Видим, солнце играет, то желтым, то зеленым!" Никогда раньше не видела зеленое солнце, цвета нежной молодой зелени. А ведь зеленый цвет - цвет преподобных, где-то читала, не помню точно. Я в это время была на больничном и мне не подписывали медкомиссию, СОЭ была 30 уже третью неделю. После причастия, благодати от мощей и Кресного хода СОЭ на другой день сразу снизилась до 5 и мне подписали медкомисси. До сих пор благодарю кн. Елизавету за ее молитвы! Слава, Господи, всем святым Твоим, за их молитвы за нас грешных!
Любовь
Форумчанин
Сообщения: 178
Имя: Любовь
Благовестие: Читал сайт Tainadiveevo.ru - Принимаю полностью

Re: Поздравления с праздниками

Сообщение Любовь » 18 июл 2018, 10:40

Много раз получала помощь и от прп. Сергия после чтения Акафиста. Преподобне отче Сергие, благодарю тебя за твои святые молитвы!
Аватара пользователя
valerii
Форумчанин
Сообщения: 343
Имя: valerii
Благовестие: Читал сайт Tainadiveevo.ru - Принимаю полностью
Откуда: Н.Новгород

Re: Поздравления с праздниками

Сообщение valerii » 18 июл 2018, 14:58

Святые Царственные мученицы, св.прмцц.вел.кн.Елизавета и ин.Варвара,
прп.отче Сергие Радонежский, молите Бога о нас!
Борисович
Лена
Форумчанин
Сообщения: 552
Имя: Елена
Благовестие: Читал сайт Tainadiveevo.ru - Принимаю полностью
Откуда: Орловская область

Re: Поздравления с праздниками

Сообщение Лена » 18 июл 2018, 16:12

Молите Бога о нас, вел.кн.Елизавета и все мученицы Алапаевские, купно с нею пострадавшие!
Аватара пользователя
Николаевич
Форумчанин
Сообщения: 250
Имя: Виталий Титаренко
Благовестие: Читал сайт Tainadiveevo.ru - Принимаю полностью
Откуда: Калининград

Re: Поздравления с праздниками

Сообщение Николаевич » 18 июл 2018, 16:33

valerii писал(а):Святые Царственные мученицы, св.прмцц.вел.кн.Елизавета и ин.Варвара,
прп.отче Сергие Радонежский, молите Бога о нас!

Слава Тебе, Господи, за теплые молитвы святых о нас грешных!
С уважением Виталий Титаренко
Татьяна_Николаевна
Форумчанин
Сообщения: 18
Имя: Татьяна
Благовестие: Читал сайт Tainadiveevo.ru - Принимаю полностью

Re: Поздравления с праздниками

Сообщение Татьяна_Николаевна » 18 июл 2018, 23:15

valerii писал(а):Святые Царственные мученицы, св.прмцц.вел.кн.Елизавета и ин.Варвара,
прп.отче Сергие Радонежский, молите Бога о нас!

Аминь
ЛюдмилаК
Форумчанин
Сообщения: 161
Благовестие: Читал сайт Tainadiveevo.ru - Принимаю полностью

Re: Поздравления с праздниками

Сообщение ЛюдмилаК » 19 июл 2018, 10:41

Николаевич писал(а):
valerii писал(а):Святые Царственные мученицы, св.прмцц.вел.кн.Елизавета и ин.Варвара,
прп.отче Сергие Радонежский, молите Бога о нас!

Слава Тебе, Господи, за теплые молитвы святых о нас грешных!

Христос посреде нас! АМИНЬ!
Аватара пользователя
valerii
Форумчанин
Сообщения: 343
Имя: valerii
Благовестие: Читал сайт Tainadiveevo.ru - Принимаю полностью
Откуда: Н.Новгород

Re: Поздравления с праздниками

Сообщение valerii » 21 июл 2018, 11:40

С праздником иконы Божией Матери Казанская!
Тропарь Божией Матери пред иконой Ее Тамбовской
глас 4
Днесь светло красуется град Тамбов,/ и святитель Христов Питирим радуется./ Сияет бо ныне чудесы икона Твоя, Владычице,/ юже из первопрестольнаго града Москвы святитель принесе,/ и дивное людем являет Твое заступление,/ подающи исцеление всем, с верою к Тебе притекающим./ Темже умильно вопием Ти:/ спасай нас иконою Твоею,/ Дево Всепетая. https://my.mail.ru/community/blog_werth ... B9184.html Пресвятая Богородице СПАСИ нас!
Борисович
Инна Кияткина
Форумчанин
Сообщения: 246
Благовестие: Читал сайт Tainadiveevo.ru - Принимаю полностью

Re: Поздравления с праздниками

Сообщение Инна Кияткина » 21 июл 2018, 11:57

valerii писал(а):С праздником иконы Божией Матери Казанская!

C Праздником! Пресвятая Богородице, спаси нас!
Аватара пользователя
Николаевич
Форумчанин
Сообщения: 250
Имя: Виталий Титаренко
Благовестие: Читал сайт Tainadiveevo.ru - Принимаю полностью
Откуда: Калининград

Re: Поздравления с праздниками

Сообщение Николаевич » 21 июл 2018, 14:09

С Праздником иконы Божией Матери Казанская!
Тропарь, глас 4:
Засту́пнице усе́рдная,/ Ма́ти Го́спода Вы́шняго,/ за всех мо́лиши Сы́на Твоего́ Христа́ Бо́га на́шего,/ и всем твори́ши спасти́ся,/ в держа́вный Твой покро́в прибега́ющим./ Всех нас заступи́, о Госпоже́ Цари́це и Влады́чице,/ и́же в напа́стех и в ско́рбех, и в боле́знех обремене́нных грехи́ мно́гими,/ предстоя́щих и моля́щихся Тебе́ умиле́нною душе́ю/ и сокруше́нным се́рдцем,/ пред пречи́стым Твои́м о́бразом со слеза́ми,/ и невозвра́тно наде́жду иму́щих на Тя,/ избавле́ния всех зол,/ всем поле́зная да́руй,/ и вся спаси́, Богоро́дице Де́во: // Ты бо еси́ Боже́ственный покро́в рабо́м Твои́м.
Кондак, глас 8:
Притеце́м, лю́дие, к ти́хому сему́ и до́брому приста́нищу,/ ско́рой Помо́щнице, гото́вому и те́плому спасе́нию, покро́ву Де́вы,/ ускори́м на моли́тву и потщи́мся на покая́ние:/ источа́ет бо нам неоску́дныя ми́лости Пречи́стая Богоро́дица,/ предваря́ет на по́мощь, и избавля́ет от вели́ких бед и зол // благонра́вныя и богобоя́щияся рабы́ Своя́.
Вложения
Казанския образ.jpg
С уважением Виталий Титаренко
НатальяН
Форумчанин
Сообщения: 66
Имя: Наталья
Благовестие: Читал сайт Tainadiveevo.ru - Принимаю полностью

Re: Поздравления с праздниками

Сообщение НатальяН » 21 июл 2018, 14:57

Аминь! Пресвятая Богородица, спаси нас!
Любовь
Форумчанин
Сообщения: 178
Имя: Любовь
Благовестие: Читал сайт Tainadiveevo.ru - Принимаю полностью

Re: Поздравления с праздниками

Сообщение Любовь » 21 июл 2018, 19:49

Аминь! С праздником! Пресвятая Богородица, спаси нас!
ЛюдмилаК
Форумчанин
Сообщения: 161
Благовестие: Читал сайт Tainadiveevo.ru - Принимаю полностью

Re: Поздравления с праздниками

Сообщение ЛюдмилаК » 21 июл 2018, 21:59

Христос посреде нас! С праздником! Пресвятая Богородице, спаси нас!
Аватара пользователя
Алла Юр.
Форумчанин
Сообщения: 443
Имя: Алла
Благовестие: Читал сайт Tainadiveevo.ru - Принимаю полностью

Re: Поздравления с праздниками

Сообщение Алла Юр. » 22 июл 2018, 22:06

ЛюдмилаК писал(а):Христос посреде нас! С праздником! Пресвятая Богородице, спаси нас!
Аминь!
Инна Кияткина
Форумчанин
Сообщения: 246
Благовестие: Читал сайт Tainadiveevo.ru - Принимаю полностью

Re: Поздравления с праздниками

Сообщение Инна Кияткина » 24 июл 2018, 16:18

05f08fc3c32b340624fb278c06910e53.jpg.420x280.jpg

Три пресветлых луча от Бога зревшая, духовная мати всея Руси,
святая равноапостольная великая княгиня Ольга, моли Бога о нас!
С днем Ангела, тезоименитые сестры!
Любовь
Форумчанин
Сообщения: 178
Имя: Любовь
Благовестие: Читал сайт Tainadiveevo.ru - Принимаю полностью

Re: Поздравления с праздниками

Сообщение Любовь » 24 июл 2018, 19:22

Святая равноапостольная великая княгиня Ольга, моли Бога о нас!
Аватара пользователя
valerii
Форумчанин
Сообщения: 343
Имя: valerii
Благовестие: Читал сайт Tainadiveevo.ru - Принимаю полностью
Откуда: Н.Новгород

Re: Поздравления с праздниками

Сообщение valerii » 24 июл 2018, 19:32

Инна Кияткина писал(а):
05f08fc3c32b340624fb278c06910e53.jpg.420x280.jpg

Три пресветлых луча от Бога зревшая, духовная мати всея Руси,
святая равноапостольная великая княгиня Ольга, моли Бога о нас!
С днем Ангела, тезоименитые сестры!
Аминь! С праздником!
Борисович
Любовь
Форумчанин
Сообщения: 178
Имя: Любовь
Благовестие: Читал сайт Tainadiveevo.ru - Принимаю полностью

Re: Поздравления с праздниками

Сообщение Любовь » 24 июл 2018, 19:49

Святая равноапостольная княгиня Ольга прославляется Православной Церковью за ее апостольское служение по распространению православия среди народов Киевской Руси. Она первая из русских правителей приняла христианство еще до Крещения Руси.
По преданию, княгиня Ольга (ок. 894–969 гг.) была родом из деревни Выбуты Псковской земли, в 12 километрах от Пскова выше по реке Великой. По преданию, она происходила из древнего славянского рода Гостомысла, который посоветовал когда-то призвать варягов княжить на Русь. Имя Ольга было дано ей князем Олегом, опекуном князя Игоря, ее будущего мужа, вместо славянского имени Прекрасна.
Княгиня Ольга была женой киевского князя Игоря. Согласно летописи, в 945 году князь погиб от рук древлян (славянское племя, обитавшее в украинском Полесье) после неоднократного взимания с них дани. После гибели князя его дружина подчинилась Ольге, признав ее представителем законного наследника престола. Княгиня стала регентшей своего трехлетнего сына Святослава и до его совершеннолетия фактически управляла Киевским княжеством. Вдова по языческому обычаю жестоко отомстила древлянам за смерть своего мужа. Детей казненного князя Мала – Добрыню и Малушу – Ольга взяла к себе на воспитание.
В 957 г. Ольга отправилась в Константинополь (Царьград), где и крестилась от Патриарха Феофилакта, ее восприемником был сам Император Константин Багрянородный. В крещении княгине было дано имя святой равноапостольной Елены и, подобно матери императора Константина, царице Елене, обретшей Честное Древо Креста Господня в Иерусалиме, святая Ольга привезла с собой в Киев Святой Крест, вырезанный из цельного куска Древа Господня, на котором была надпись: «Обновися Русская земля Святым Крестом, его же прияла Ольга, благоверная княгиня».
В Царьграде четыре "государственных дамы": бабушка и мать равноапостольного Владимира - княгиня Ольга и Малуша - восседали за одним столом с бабушкой и матерью его будущей супруги Анны - императрицей Еленой и ее невесткой Феофано.
Новопросвященная княгиня воздвигла на Руси храмы святителя Николая и Святой Софии в Киеве, Благовещения Богородицы в Витебске. На реке Пскове, где она родилась, благоверная Ольга, по преданию, основала город Псков. На месте видения трех светоносных лучей с неба, которого в тех краях сподобилась великая княгиня, был воздвигнут храм Святой Живоначальной Троицы
Любовь
Форумчанин
Сообщения: 178
Имя: Любовь
Благовестие: Читал сайт Tainadiveevo.ru - Принимаю полностью

Re: Поздравления с праздниками

Сообщение Любовь » 24 июл 2018, 19:49

Тропарь
Крилами богоразумия вперивши свой ум, возлетела еси превыше видимыя твари: взыскавши Бога и Творца всяческих, и Того обретши, пакирождение крещением прияла еси. Древа животного наслаждаюшися, нетленна во веки пребываеши, Ольго приснославимая.
Кондак
Воспоим днесь благодетеля всех Бога, прославльшего в России Ольгу богомудрую: да молитвами ея подаст душам нашим грехов оставление.
.
Аватара пользователя
Николаевич
Форумчанин
Сообщения: 250
Имя: Виталий Титаренко
Благовестие: Читал сайт Tainadiveevo.ru - Принимаю полностью
Откуда: Калининград

Re: Поздравления с праздниками

Сообщение Николаевич » 28 июл 2018, 11:53

Поздравляем с Праздником Крещения Руси!
Тропарь, глас 4:
Уподо́бился еси́ купцу́, и́щущему до́бpаго би́сеpа,/ славнодеpжа́вный Влади́миpе,/ на высоте́ стола́ седя́ ма́теpе гpадо́в, богоспаса́емаго Ки́ева:/ испыту́я же и посыла́я к Ца́pскому гpа́ду/ уве́дети пpавосла́вную ве́pу,/ обpе́л еси́ бесце́нный би́сеp - Хpиста́,/ избpа́вшаго тя я́ко втоpа́го Па́вла,/ и оттpя́сшаго слепоту́ во святе́й купе́ли,/ душе́вную вку́пе и теле́сную./ Те́мже пpа́зднуем твое́ успе́ние,/ лю́дие твои́ су́ще:// моли́ спасти́ся Царю, держащим Последняго Православнаго Царства и мно́жеству владо́мых.
Ин тропарь, глас 1:
Я́ко нача́льнику Креще́ния / и ко́реню ве́ры Боже́ственныя, / и́долов разруши́телю, / блаже́нне кня́же Васи́лие равноапо́стольне, вопие́м ти: / сла́ва вразу́мльшему тя Христу́ Бо́гу, / сла́ва освяти́вшему тя Креще́нием Свои́м, // сла́ва просвети́вшему тобо́ю всю страну́ Ру́сскую.
Ин тропарь, глас 8:
Правове́рия наста́вниче / и всея́ Руси́ просвети́телю, / благочести́вый вели́кий кня́же Влади́мире, / святы́м Креще́нием всех просвети́л еси́ / и це́ркви мно́ги сла́вны украси́л еси́, / о прему́дре Васи́лие, // Христа́ Бо́га моли́ спасти́ся душа́м на́шим.
Кондак, глас 8:
Подо́бствовав вели́кому апо́столу Па́влу в седи́нах, всесла́вне Влади́мире,/ вся я́ко младе́нческая мудрова́ния, я́же о и́долех тща́ния оста́вль,/ я́ко муж соверше́нный украси́лся еси́ Боже́ственнаго Креще́ния багряни́цею./ И ны́не Спа́су Христу́ в весе́лии предстоя́,// моли́ спасти́ся Царю, держащим Последняго Православнаго Царства и мно́жеству владо́мых.
Ин кондак, глас 8:
Изря́дному воево́де и правове́рному, / благода́рственная воспису́ет ти вся Русь, Васи́лие, иму́щи тя нача́льника и засту́пника, / я́ко изба́вил еси́ нас от вся́кия скве́рны и ле́сти, те́мже ти вопие́м: // ра́дуйся, вели́кий кня́же Влади́мире преблаже́нне.
Ин кондак, глас 4:
Оте́ческу пре́лесть, и́долы, я́ко су́етни, отве́рг, / Христа́, всех и́стиннаго Бо́га, Царя́ и Благода́теля, позна́л еси́. / Те́мже и лю́ди, изря́дны Тому́, святы́м Креще́нием просвети́л еси́, / пресла́вне Влади́мире. / Сего́ ра́ди почита́ем тя, / я́ко Тро́ице служи́теля, // Христа́ моли́ дарова́ти нам ве́лию ми́лость.
Вложения
Крещение Руси.jpg
С уважением Виталий Титаренко

Вернуться в «ЛИЧНЫЕ ВОЛНУЮЩИЕ ВОПРОСЫ»

Кто сейчас на конференции

Сейчас этот форум просматривают: нет зарегистрированных пользователей